Masallıda avtoxuliqanlıq edən sürücünün videosu yayılıb.
Belə ki, 90-LR-002 qeydiyyat nişanlı BMW markalı avtomobilin sürücüsü Masallı-Yardımlı-Lənkəran yolunu bağlayaraq şou göstərməyə başlayıb. O, hərəkət hissəsində avtomobili qəflətən sürətləndirməklə davamlı olaraq təkərlərin yolun səthi ilə sürtünməsi səslərini çıxarıb və yolun səthində çoxsaylı təkər izləri buraxaraq avtoxuliqanlıq edib.
Həmin avtoxuliqanlıq əməlini törədən sürücü Y.İsmayılov və avtomobilin sahibi M.Fəttahlı müəyyən edilərək barələrində toplanmış material hüquqi qiymət verilməsi üçün Masallı Rayon Məhkəməsinə göndərilib. Məhkəmənin qərarı ilə Y.İsmayılov sürücülük hüququ bir il müddətinə məhdudlaşdırılmaqla 15 gün müddətinə inzibati qaydada həbs olunub, M.Fəttahlı isə cərimə olunub.
araztv.com Avtosfer.az-a istinadən xəbər verir ki, avtoxuliqanlıq əməlini törətdiyinə görə həbs olunan Y.İsmayılov Lənkəran şəhər 1 saylı notariat ofisinin rəhbəri Səfər İsmayılovun oğludur.
araztv.com xəbər portalı.
araz.az xəbər portalı.