“Talıbovun İrana “hədiyyə” etdiyi torpaq “Google Earth”də açıq şəkildə görünür”
“Naxçıvan Muxtar Respublikasının Şərur rayonunun Ərəbyengicə kəndi ərazisində Araz çayının yeri dəyişdirilərək Talıbovun İrana “hədiyyə” etdiyi 30 hektar torpağın “Google Earth” görüntüləri açıq şəkildə göstərir ki, 2019-cu ilədək Azərbaycanın ərazisi olan və şərurlular tərəfindən istifadə edilən otlaq sahələri İrana keçib”.
araztv.com xəbər verir ki, bunu hüquqşünas Ələsgər Məmmədli qeyd edib.
O bildirib ki, İran tərəfi Arazın əsas axınının yatağının üzərini doldurub, həmin əraziyə körpü (torpaq yol) salıb və Azərbaycan tərəfinin otlaqlarını qazaraq yeni axıntıya yer yaradıb:
“Bu konstitusion cinayətdir və dərhal Baş prokurorluq bu məsələni nəzarətə götürüb, peyk görüntülərini xüsusi ilə 2019-dan sonrakı dövrləri incələyib, insan müdaxiləsini aydın sübut etməli və bu ərazilər əvvəlki 2019-cu ildəki yerinə qaytarılmalıdır”.
araztv.com xəbər portalı.
araz.az xəbər portalı.