İcbari Tibbi Sığorta üzrə Dövlət Agentliyi 5 ildir fəaliyyətə başlayıb, pilot layihələr edib. Amma bu layihələr haqda məlumatlar yaymayıb, fəaliyyəti ilə bağlı ciddi suallar var.
araztv.com xəbər verir ki, Agentlikdən razılıq edənlər də az rast gəlinir.
İndi də məlum olur ki, Agentlik Buzovna qəsəbəsində 1 illiyə ofis və anbar icarəyə götürüb – müqavilənin dəyəri 1 milyon 176 min manatdır.
Agentlik obyekti ayı 98 min manata icarəyə götürüb, özü də Buzovnada…
Bu barədə iqtisadçı Natiq Cəfərli yazıb. Onun sözlərinə görə, məsələnin maraqlı tərəfi odur ki, həmin obyektin sahibi gənc bir insandır – Orxan Feyziyev: “Ola bilər ki, çox bacarıqlı, təhsilli gəncdir, amma bir məsələ var ki, Orxan bəy deputat Cavanşir Feyziyevin oğludur.
Bu da Azərbaycan fenomenidir – bütün məmur, deputat, nazir uşaqları doğuşdan bacarıqlı biznesmen olurlar, həmişə tenderlər udurlar”.
araztv.com xəbər portalı.
araz.az xəbər portalı.