Dosent Fariz Ələkbərov yazır: “Məlumunuz edirəm ki, Azərbaycan Dövlət Aqrar Universitetinin kafedra müdiri Musa Bayramov, onun qudası, hansı ki, universitetin dosenti Namiq Hüseynov və ADAU-nun tələbə qəbulu üzrə məsul katibi Telman Musayev Dövlət İmtahan Mərkəzinin nüfuzuna zərbə vurmaqla məşğul olurlar. Əvvəllər bu şəxslər Müəllimlər İnstitutunda saxta tələbə qəbulu, saxta diplom satışı ilə məşğul olurdularsa, bu gün isə ayrı-ayrı valideynləri aldadırlar. Yəni, onlardan pul alırlar ki, guya övladlarını müxtəlif ali məktəblərə qəbul etdirəcəklər deyə, yalandan onlara vədlər verirlər. Əgər abituriyentlər ali məktəblərə öz bacarıqları ilə qəbul olurlarsa, onda onların bu nailiyyətini Musa Bayramov, Namiq Hüseynov və Telman Musayev niyə öz adlarına çıxırlar, DİM-dən tapşırdığını iddia edirlər?. Onlar deyirlər ki, imtahanda cavab kartında heç bir dairəni qaralamayın, ağ salın, bizim DİM-də adamımız var, verdiyiniz pul Məleykə xanıma çatır, narahat olmayın həll ediləcək. Qısa desək, DİM-in nüfuzuna ləkə gətirməklə məşğul olurlar.
Daha bir faktı qeyd edək. Musa Bayramov İ.M.Seçenov adına Birinci Moskva Dövlət Tibb Universitetinin Bakı filialına qəbul olunmaq üçün sənəd vermiş abituriyent, Şəmkir şəhər sakini Fəda Cəfərovanın valideynindən 50000 (əlli min manat) ruşvət almış və abituriyenti ora qəbul etdirməyi vəd etmişdir.Maraqlıdır ki, ilk imtahandan qiymət yazdırmağa da müvəffəq olmuşdur. Bu faktı hüquq-mühafizə orqanları araşdırsa digər faktlar da ortaya çıxacaq.
Möhtərəm Prezident, hörmətli Məleykə xanım, hörmətli Azad müəllim! ADAU əməkdaşlarının bu cinayət əməllərinin qarşısını almağı Sizdən xahiş edirik.
araztv.com xəbər portalı.
araz.az xəbər portalı.