“Düz bir il əvvəl bu gün – 2020-ci il 11 martda COVİD-19 bəlasınınn bütün dünyaya yaylıb pandemiyaya çevrildiyi elan edildi. Ötən müddətdə planetimizdə 118 milyon 470 mindən çox insan bu xəstəliyə yoluxub, 2 milyon 627 mindən çox insan ölüb, 21 milyon 846 mindən çox insan hazırda xəstə sayılır. Azərbaycanda bu günə qədər rəsmi rəqəmlərə görə 237 min 735 yoluxan, 3257 ölən, 4402 aktiv xəstə var. Yəni ölkəmizdə bu virusdan ölənlərin sayı Vətən Müharibəsi şəhidlərinin sayından çoxdur”.
araztv.com Mia.az-a istinadən xəbər verir ki, bunu Strateji Düşüncə Mərkəzinin sədri İsa Qəmbər deyib.
O bildirib ki, kim nə deyir, desin, bu bəladan qurtarmağın yeganə yolu kütləvi peyvənd olunmaqdan keçir:
“Özünüzü, yaxınlarınızı, xalqımızı, bəşəriyyəti qorumaq üçün maska, sosial məsafə və digər vacib qaydalara əməl etməklə yanaşı ilk imkanda vaksinlənin”.
araz.az xəbər portalı.