Hərbi vəziyyətin, eləcə də kommendant saatının aradan qaldırılması gündəmdə deyil.
araztv.com bildirir ki, bu sözləri Axar.az-a açıqlamasında millət vəkili Arzu Nağıyev deyib.
Onun sözlərinə görə, həmin mövzu yalnız dekabrdan sonra müzakirə oluna bilər:
“Erməni işğalçıları 10 noyabr sazişinə uyğun olaraq Azərbaycan ərazisini hələ tam tərk etməyib. Proses dekabrın 1-də başa çatmalıdır. Proses başa çatandan sonra bununla bağlı müəyyən addımlar atılacaq. Müharibə hələ də davam edir. Müharibənin hərb hissəsi bitib, amma diplomatik və informasiya müharibəsi davam edir. Ona görə hərbi vəziyyətin, eləcə də kommendant saatının aradan qaldırılması hazırda gündəmdə deyil”.
Deputat qeyd edib ki, ölkədə pandemiya ilə əlaqəli karantin rejimi sərtləşdiyinə görə hazırda olan məhdudiyyətlər daha məqsədəuyğundur.
araztv.com
araz.az xəbər portalı.